Ginalantaw sang isa ka political analyst nga taktika ang timprano nga pag-anunsyo ni Vice President Sara Duterte nga mapadalagan sa pagka-presidente sa 2028.
Sa interview sang Bombo Radyo kay Atty. Joenar Pueblo, iya ginpahayag nga possible magbag-o ang hulag sang mga congressman nga makaapekto sa ila mangin boto sa impeachment complaint batuk kay Duterte bangud sa political survivability.
Suno kay Atty. Pueblo, kun lantawon ang sitwasyon subong sang pulitika sa Pilipinas, may yara sang tyansa nga makapyerdi kay Duterte amo si former Vice President kag subong Mayor Maria Leonor “Leni” Gerona Robredo, nga may yara sang eksperyensya sang paghimanwa kag wala sang issue sa korapsyon.
Nagpanugyan man ang natungdan sa mga botante ilabi na gid sa Generation Z ukon Gen-Z, nga magpili sang botohon nga indi kawatan kag indi korap.
