Ginganyat ni Pope Leo XIV ang mga Kristiyano nga political leaders nga naulamid sa armado nga inaway nga usisaon ang ila nga konsensya kag magpaidalom sa pagpangumpisar.
Sa iya nga speech sa isa ka pagtililipon sang mga pari, ginpamangkot sang Santo Papa kun matuod bala nga ginasunod sang mga lider ang tudlo ni Hesukristo. Ang pahayag kasunod sang iya nga panawagan nga untaton ang giyera sa Iran, nga nag-umpisa matapos ang joint airstrikes sang US kag Israel sang Pebrero 28.
Nahibaluan nga nagdako sa Kristiyano nga pagtuo si US President Donald Trump, kag ang iya nga matag-as nga opisyal nga sanday Vice President JD Vance kag Secretary of State Marco Rubio ang lunsay mga Katoliko.
Una na nga ginsiling ni Washington, D.C. Cardinal Robert McElroy nga ang pag-atake sa Iran ang indi morally legitimate suno sa pagsulundan sang Simbahan Katolika sa “just war.”
