Posible nga makarekober na ang pork supply sa pungsod sa masunod nga tatlo ka semana, suno sa Department of Agriculture.
Suno kay DA Secretary Francisco Tiu Laurel Jr., daku ang nangin konsumo sang tinalikdan nga holiday season gani nagnubo ang pork supply.
Sa karon, suno kay Laurel nagabalik na ang normal nga konsumo gani possible nga magataas na ang supply sang karne sang baboy sa masunod nga tatlo ka semana sa bulig man sang padayon nga local production ka bastante nga volume sang imported pork.
Apisar limitado sa karon ang suplay sang karne sang baboy, nagapabilin nga mapag-on ang suplay sa nagkalain-lain nga mga merkado sa pungsod.
Samtang, base sa monitoring sang DA Bantay Presyo sa mga merkado sa Metro Manila, nagahampang ang presyo sang pork liempo halin P370 tubtob P450 kada kilo.
Naglab-ot naman sa P330 tubtob P400 ang kada kilo nga presyo sang kasim.
Suno sa DA, nagapabilin sa gihapon nga apektado sang African Swine Fever (ASF) ang hog industry sa pungsod.
