-- ADVERTISEMENT --
DAO, CAPIZ– Nagtuga sang pagkadula sang suplay sang kuryente sa Barangay Balucuan, Dao, Capiz ang natabo nga aksidente nga pagkaatras sang isa ka trak sa poste sang Capiz Electric Cooperative (CAPELCO) sa nasambit nga lugar.
Ang driver sang nasambit nga trak ang ginkilala nga si Albert Ignacio, 39 anyos sang Barangay Duran, Dumalag.
Base sa nakuha nga impormasyon sang Bombo Radyo, aksidente nga naisulan sang nasambit nga trak ang poste rason nga ini ang nagtuga sang damage kag nagresulta sa pagkadula sang suplay sang kuryente sa lugar.
Gilayon man nga gin-release sang mga kapulisan ang trak kag ang driver sini nga una nila gin-kustodiya matapos nga gin-abaga ang kagastuhanan sa pagkaayo sang linya sang kuryente nga nagkalaguba.
