Ginpasiguro ni President Ferdinand Marcos Jr. nga mapanabat ang nagbulig nga makaguwa sa pungsod ang ginsipa sa puwesto nga alkalde sang Bamban, Tarlac nga si Alice Guo.
Ginpahayag sang Presidente nga ang insidente ang nagapakita sang kurapsyon sa justice system nga amo ang magapahina sang pagsalig sang publiko.
Dugang pa sini nga iya igasapubliko ang sin-o man nga indibidwal nga yara sa likod sang pagpalagyo ni Guo.
Pahayag pa ni Marcos nga nagahulag na ang imbestigasyon kag kun sin-o man ang mapamatud-an nga yara sa likod sang insidente ang magapanabat sa layi.
Wala suno diri sang lugar sa gobyerno ang sin-o man nga opisyal nga ginauna ang personal nga interest kaysa pagpangalagad sa publiko.
Reaksyon ini sang Presidente angut sa balita nga nakaguwa na sa pungsod si Guo apisar nga may ginapangatubang ini nga kaso may kaangtanan sa operasyon sang Philippine Offshore Gaming Operation.
