Madugay na nga nagatinguha si Presidente Marcos Jr. agud ayuhon kag tinluan ang mga problema nga ginbilin sang nagligad nga administrasyon.
Ini ang ginsabat ni Palace Press Officer USec. Claire Castro sa panawagan sang United People’s Initiative nga nagapanawagan kay President Marcos nga maghimo sang mga tikang agud mabalik ang pagsalig sang publiko kasunod sang kontrobersiya sa mga flood control projects.
Ginpahayag ni Castro nga indi dapat pagkalimtan sang publiko nga si Presidente Marcos ang nag-umpisa sang madalum nga imbestigasyon agud ipakita sa mga pumuluyo nga naga-isa siya sa pagpakigbato sa korapsyon.
Ginhatagan pagtamod ni Castro, nga ang luyag magpahalin sa Presidente amo yadtong mga indibidwal kag grupo nga posible maapektuhan sang sini nga mga imbestigasyon.
Sa subong, amat-amat na nga nagugwa ang mga ebidensiya sa ginaalegar korapsyon sa pungsod.
Pahayag pa ni Castro nga kon magbag-o ang liderato, posible nga indi na mapadayon ang mga imbestigasyon kag mahatagan sang tsansa nga mabuhi ang mga kurap.
