Ginpanindugan ni Department of Public Works and Highways (DPWH) Secretary Manuel Bonoan nga updated si Presidente Ferdinand Marcos Jr sa ila mga tikang angut sa kontrobersyal nga flood control projects.
Sa eksklusibo nga interview sang Bombo Radyo kay Bonoan, iya ginpahayag nga ginaupod pa siya sang presidente sa mga inspeksyon kag regular siya nga nagahatag sang report.
Bisan ang mga ginpatuman nga pagpahalin, pagsuspinde kag mga imbestigasyon ginapahibalo sa punoan nga ehekutibo.
Sa subong, napulo na ka mga opisyales sang DPWH Bulacan ang ginpahalin sa ila pwesto kag ginbutang sa “floating status.”
kaangot sini, liwat nga ginpahayag ni Bonoan nga indi siya mag-resign sa iya pwesto.
Sa baylo, ginpahayag sini nga magapadayon ang imbestigasyon sa mga iregularidad, partikular sa Bulacan, sa diin natukiban ang mga proyekto nga ginbayaran apang wala sang aktwal nga konstruksyon.
Dugang pa sang opisyal, nagapabilin ini nga kumpyansa sa iya mga tinawo kag sa ikasarang sang ahensiya nga tinluan ang hanay sini.
