May yara sang paghulag sa presyo sang prutas sa Teodoro Arcenas Trade Center, bangud man sa padayon nga pagsaka sang presyo sang gatong.
Sa interview sang Bombo Radyo kay Genelyn Asuncion, isa ka fruit vendor, iya ginpahayag nga nagpasaka sila sang presyo sang prutas bangud man sa pagtaas sang presyo man sang ila nga supplier.
Suno sa iya, ang presyo sang mga mga prutas nga iya ginbaligya amo ang mga masunod:
Mangga ukon Paho- P100-150 kada kilo depende sa size
Indian Manggo- P40 kada kilo
Saging- P100 kada kilo
Avocado- P150 kada kilo
Chico- P90 kada kilo
Grapes-P350 kada kilo
Orange -P15-20 kada isa
Singkamas- P40 kada kilo
Dugang pa niya, may yara sang tion nga gina-limit lang nila ang pagkuha sang prutas sa ila ginakuhaan agud man nga indi magkalasamad.
Pahayag pa niya, ginasigurado sini ang kalidad sang mga prutas nga iya ginabaligya agud mas madamu pa ang maganyat nga magbakal.
Nagpanawagan man ang natungdan nga kuntani mahatagan man sang nagakaigo nga parkingan ang mga nagabakal agud man nga indi mabudlayan ang mga nagabakal sa ila.
