Nagnubo ang presyo sang tilapia sa Lake Sebu, South Cotabato kasunod sang malapnagon nga ‘fish kill,’ ukon “kamahong,” nga nag-apekto sa fish cages sa nasambit nga linaw.
Ginpahayag Muyco nga ginabaligya sang mga fish cage operators ang ila prematurely harvested nga mga isda sa tuman ka manubo nga presyo agud lamang nga makabuhi. Ang tilapia nga sang una ginabaligya sa P150 tubtub P180 kada kilo, karon ginabaligya sa banwa sa P50 tubtub P80 kada kilo.
Gin-athag ni Muyco nga ang “kamahong” ang bangud sa pagnubo sang oxygen levels sa linaw, sobra nga populasyon sa fish cages, kag pagtipon sang chemical feed supplies sa lakebed.
Nagapati man ini nga ang pag-ulan nga dala sang ‘Crising’ kag sang Habagat nga nag-apekto sa Mindanao sang nagligad nga semana amo ang rason sa pagkapatay sang isda, kaangay sang mga nakaligad nga insidente.
Nagreklamo ang mga manugbaligya sang isda sa malapit nga syudad sang Koronadal nga apektado ang fish kill sa ila pagbaligya sang tilapia bangud nagapangalag-ag ang mga konsumidor sa pagbakal sang isda bangud sa kabalaka sa “kamahong.”
