Ginpaguwa kahapon sang Department of Health (DOH) ang listahan sang mga bulong nga nasakop sang price freeze sa mga lugar nga naapektuhan sang super typhoon Carina kag sang Habagat.
Suno sa DOH, ang price freeze ang ipatuman sa Metro Manila, Batangas, Cavite, Bataan, Bulacan, Cainta sa Rizal kag Pinamalayan sa Oriental Mindoro.
Ginpanugyanan naman ang mga consumer nga i-report sa DOH ang overpricing ukon anuman nga paglapas.
Magluwas sa Metro Manila, ginpaidalom man sa state of calamity ang Cavite; Pinamalayan kag Baco sa Oriental Mindoro; San Andres sa Romblon; Jose Abad Santos sa Davao Occidental; Kabacan kag Pikit sa Cotabato, kag Batangas.
Ginapatuman sa mga lugar ang price freeze sa basic goods agud maprotektahan ang mga consumer sa indi makatarungan nga price increases sa sini nga tion sang krisis.
