Ginkilala ni Presidente Bongbong Marcos ang professionalism nga ginpakita sang mga suldado nga Pilipino nga kaupod sa rore mission nga ginkuyog sang China Coast Guard.
Sa pagbisita ni PBBM sa Western Command ukon WESCOM sa Puerto Princesa City, gintuad sang Presidente nga nagbisita ini indi lamang nga kilalahon sang personal ang mga suldado para dayawon ang mga ini sa kaisog kag nangin sakripisyo sang mga ini, suno diri, nagbisita ini bangud luyag sini kilalahon ang pagka-propesyunal sang mga ini.
Suno sa Presidente, tungod sa mainit nga sitwasyon, posible nga mag maglala pa ang kumusyon kun may Pilipino nga suldado nga nagpadala sang iya sini nga init sang ulo.
Nagapasalamat man ini sa pagiging mission-oriented sang mga suldado.
Kadungan sang talk to the troops sang Presidente sa WESCOM, ginhatagan sini sang Order of Lapu-Lapu Kamagi medal ang 79 ka mga suldado nga kaupod sa RORE mission, kag Order of Lapu-Lapu Kampilan medal naman kay Seamans First Class Jeffrey Facundo sang Philippine Navy, ang suldado nga na-utdan sang tudlo.
