ROXAS CITY – Ginpatpat ni Atty. Wil Arceño Provincial Election Supervisor sang Commission on Election (Comelec) Capiz, ang kaso angut sa Punong Barangay sang Barangay Lawaan, banwa sang Dumarao nga ginsuspende nga makapungko sa pwesto bangud sa ginaalegar may kaso.
Sa interview sang Bombo Rdayo kay Atty. Arceño, ginpahayag sini nga bangud ginsuspended si Efren Perez Aliperio ang nagdaog nga Punong Barangay temporaryo nga magapungko bilang Acting Punong Barangay ang nagapanguna sini nga Barangay Kagawad kung sa diin amu si Bryan Mercado Cabison.
Mahibaluan nga ginpetisyunan ni Arnold Sotillo Vicente si Aliperio nga may yara ini sang kaso nga “robbery by a band” sadtong dekada 90 kag napamatbatan na sang korte.
Bangud sini, nagpaguha ang Commission on Election sang mando nga isuspende ang proclamation sini bilang Punong Barangay sa ila nga lugar.
Ginpahayag man ni Arceño nga ang nasambit nga kaso ang direkta nga gin-file sa Comelec sa Manila kag didto man natigayon nga ginproseso sang nagreklamo.
Matandaan nga nagmadinalag-on si Aliperio batuk sa kasumpong sini nga si Vicente Arnold Sotillo sa nagtakop nga Barangay kag Sanguniang Kabataan Eleksyon (BSKE) 2023 sadtong Oktobre 30.
