ROXAS CITY-Nagpatigayon sang sinapol ang Provincial Inter-Agency Task Force agud hinalaan sang probinsiya ang padayon nga pagtimbuok sang kaso sang COVID-19.
Sa nasambit nga sinapol gintalakay ang ginaduso sang probinsiya nga localization sa mga ginapatuman nga IATF guidelines kag implementasyon sang IATF resolusyon No.69.
Kalakip man sa mga gintalakay sa amo nga sinapol amo ang pagpatuman sang hugot sa mga lokal nga layi natuhoy sa New Normal, ang pagpaidalom sa mga LSIs sa Antigen test, ang estado sang mga nagpositibo nga padayon nga naadmit sa ospital, estado sang bed capacity sa mga ospital sa probinsiya kag ang dugang nga plano sang probinsiya para sa pagpanubo sang kaso sang amo nga sakit.
Ang mga gintalakay sa amo nga meeting ang natalana nga igapresentar sa nagkalain-lain nga LGU.
Mahibaluan nga sa ginpatigayon nga Zoom Meeting, kapin 70 ka mga representate ang nagtambong gikan sa nagkalain-lain nga ahensiya.
