CAPIZ – Liwat nga ginapanugyanan kag ginpahanumdum sang katapo sang Roxas City PNP ang publiko nga maghalong kag likawan ang paggamit sang anu man nga sahi sang palupok ilabi na sa pagsug-alaw sang Bag-ong Tuig.
Sa interview sang Bombo Radyo sa Public Information Officer sang Roxas City PNP nga si PCMS. Ramil Arcangeles, ginpahayag sini nga kalabanan nga nabibiktima sang mga palupok ang mga kabataan nga menor de edad.
Suno kay Arcangeles, base sa ginpapanaog nga mandato nagikan sa Philippine National Police kaungdan sini nga kompiskaron ang mga palupok nga posible makahatag sang halit kag kalakip diri ang “boga”.
Dugang pa sini nga sa karun may yara na sang 3 tubtob 5 ka mga boga ang ila nakumpiskar.
Mahibaluan nga nakapagkit na ang probinsya sang 2 ka kaso may kaangtanan sa firework related incident kung sa diin ini ang nagikan sa banwa sang Pilar kag Dumarao nga lunsay mga kabataan ang biktima.
