ROXAS CITY – Ginasipa sa serbisyo ang isa ka pulis sa Capiz bangud sa ginaalegar paggamit sang illegal nga droga.
Sa interview kay Capiz Police Provincial Office (CPPO) provincial director P/Senior Supt. Samuel Nacion, ginpahayag sini nga ginpasakaan sang kaso administratibo ang wala pa ginpangalanan nga pulis bangud ginaalegar konektado ini sa pila ka mga krimen kag iligal nga aktibidad.
Magluwas sa ginsipa nga pulis may tatlo pa ka personel gikan sa CPPO ang ginpaidalum sa Character Aptitude Development and Enhancement Training kag temporaryo nga na-assign sa Regional Headquarters Support Group sang Police Regional Office- 6.
Ba-se sa record sang CPPO, duha man ka pulis ang ginrelieved sa ila nga assignment kag ginpaidalum sa background investigation bangd nagaguwa ang ila mga pangalan nga nagapatigayon sang illegal nga aktibidad.
Samtang, ginpahayag pa sang opisyal nga ang nangin tikang sang PNP ang resulta sang direktiba ni Presidente Rodrigo Duterte nga tinluan ang hanay sang pulisya.
