Pulis nga naaksidente-patay sa Brgy. Bolo, plano pa kun tani nga tapuson ang pagpaubra sang ila balay

ROXAS CITY – Plano pa kun tani sang pulis nga naaksidente-patay sa Brgy. Bolo nga patapuson ang pagpaubra sang ila balay.

Ini ang gintuad ni tatay Nestor Vegas Sr. ang amay sang pulis nga si Nestor Vegas Jr. nga napatay bangud sa aksidente nga pagkabunggo sa truck sa Brgy. Bolo, Roxas City sang Oktubre 3, 2024.

Suno kay tatay Nestor, mabuot kag mabinuligon nga klase sang tawo ang ila nga bata.

Pahayag pa sini nga tuman ang ila pagpangasubo kag wala gid nila ginalauman ang natabo sa ila bata.

Sa karon, pagaistoryahan pa suno diri sang ila pamilya kun magapasaka ang mga ini sang kaso batuk sa driver sang truck.