Ginrekomenda sang Office of the City Prosecutor sa Tacloban City ang pagpasaka sag kaso nga reckless imprudence resulting in multiple homicide kag physical injuries batuk kay Police Staff Sgt. Arla Ray Paciencia, sa diin ang armas sini ang gingamit sang estudyante sang Hunyo 22 sa pagpangluthang sa sulod sang eskwelahan.
Suno kay Department of Justice (DOJ) Spokesperson Polo Martinez, nagasalig ang talatapan sa criminal process nga magapadayon sandig sa pagsulondan may kaangtanan sa due process sang tanan nga partido.
Nahibaluan nga sang Hunyo 22, napatay ang tatlo ka mga estudyante sa San Jose National High School sa Tacloban City.
Pahayag sang DOJ, ang rekomendasyon amo ang resulta sang preliminary investigation nga ginpatigayon may kaangtanan sa reklamo nga ginpasaka sang mga ginikanan kag estudyante sang San Jose National High School.
