Pulis on duty nga napalagyuhan sang 2 minor nga yara sa ila kostodiya, ginrelieve sa pwesto

ROXAS CITY – Ginrelieve sa pwesto bilang jailer, ang pulis nga naka-duty sang makapalagyo ang duha ka menor de edad nga yara sa kostodiya sang Roxas City PNP.

Ginkumpirma ni Police Master Sergeant Ramil Arcangeles, information officer sang Roxas City PNP nga epektibo kahapon ginrelieve sa pwesto bilang jailer si Police Senior Master Sergeant Cenon Felipe.

Ang nasambit nga tikang kabahin sang disciplinary action sang pamunuan sang Roxas City PNP kay Cenon matapos napalagyuhan sang duha ka mga menor de edad nga sanday Alyas Kent sang Barangay Libas kag alyas Justine sa diin siya  jail officer on duty.

Suno kay Arcangeles nga floating sa karon ang status ni Cenon samtang nagapadayon ang imbestigasyon.