ROXAS CITY – Patay ang isa ka pulis matapos nga bumunggo ang ginamaneho sini nga salakyan sa isa ka balay, sa national highway sang Barangay Lawaan, Roxas City.
Ginkilala ang biktima kay Police Captain Cicero “Roy” Lusterio, 49 anyos nga residente sang Binuangan, Misamis Oriental, apang na-assign diri sa Capiz Police Provincial Office (PPO).
Sa impormasyon nga nakuha sang Bombo Radyo kay Roldan Dela Cruz nga residente sang amu nga lugar nga pasado alas-2 kaina sang kaaganhon sang nakabatyag na lamang sila sang lagubo, kag sa ila pagtsekyar may Montero sport nagaduag pula nga salakyan na ang bumunggo sa ila balay.
Ginpahayag nga bumunggo sa poste sang Telco ang salakyan kag dumiretso sa nasambit nga puloy-an.
Bangud sa impact sang pagkabunggo, nag-angkon sang patal nga pilas sa ulo ang nasambit nga driver nga gintunaan sang iya kamatayon.
Wala man sang iban pa nga napilasan sa nasambit nga aksidente.
Nagapadayon man ang imbestigasyon sang katapo sang Roxas City PNP, kun ano ang gintunaan sang aksidente.
Nahibaluan nga bag-o lamang na-promote si Lusterio sang tuig 2022.
