PANITAN, CAPIZ- Partially burned ang isa ka puluy-an matapos nagluntad ang sunog sa Sitio Ilaya, Barangay Bangaan, Panitan, Capiz.
Ang amo nga puluy-an ang ginapanag-iyan ni Nora Duran, 69-anyos kag residente man sang nasambit nga lugar.
Sa interview sang Bombo Radyo kay Fire Officer 1 Jhonny Diaz, Fire Arson Investigator sang Panitan Fire Station, ginpahayag nga nakabaton sang tawag ang ila talatapan kag gilayon man ini nga ginrespondehan agud mapalong ang kalayo.
Dugang pa sini, nga wala sang tawo ang amo nga puluy-an sang nagluntad ang amo nga sunog.
Mahibaluan nga human sa light materials ang amo nga puluy-an kag nagdangat sa kapin P250.00 ang nangin kahalitan sang nasambit nga sunog .
Sa karon, padayon pa ang imbestigasyon sang BFP Panitan kun ano ang gintunaan sang nasambit nga sunog.
With a report from Bombo Sunnie Mae Batencila
