ROXAS CITY -Gin-athag sang Punong Barangay sang Barangay Old Guia Maayon,Capiz nga boluntaryo nga gindonar ang P1,000 nga gin-alegar ginbuhin sini gikan sa nabaton nga ayuda sang mga benepisyaryo sa Department of Agriculture nga gamiton sa pagpatindog sang simbahan.
Ini ang gin-athag ni Punong Barangay Marilyn “kaning” Abuniawan sang Barangay Old Guia Maayon Capiz kasunod sang reklamo sang mga benepisyaryo nga ginbuhinan sila sang tag P1,000 ni Abuniawan.
Ginpanindugan sang opisyal nga bolunataryo nga ginhatag sang mga nakabaton sang ayuda ang P1,000 nga ginkasugtan gamiton sa pagkaayo sang ila naguba nga simbahan.
Suno kay Abuniawan nga ginhinyo sini ang mga benepisyaryo nga magdonar sang kantidad agud magamit sa pagkaayo sa nasambit nga simbahan.
Gindugang pa sini nga wala man sang may nagreklamo sa diin nagpromisa man ang mga ini nga magahatag sang kwarta.
Samtang ginpanindugan ni Abuniawan nga wala sang pinilitay nga natabo kag boluntaryo ang mga benepisyaryo nga naghatag.
Mahibaluan nga 14 ka mga indibidwal nga benepisyaryo sang P5,000 nga ayuda sang Department of Agriculture ang makahatag na sa administrador sang simbahan.
