ROXAS CITY-Ginkumpirmar sang Punong Barangay sang Barangay Cudian banwa sang Ivisan nga nakatinir sa nasambit nga lugar ang 28-anyos nga babaye nga biktima sang pagpangluthang sa Barangay San Juan, Dumarao, Capiz.
Sa interview sang Bombo Radyo Roxas kay Punong Barangay Jose Ricky Remegio, masobra isa ka tuig nga nagtinir ang biktima kaupod ang anay live-in partner sini nga si Jonel Amin-amin nga tumandok sang nasambit nga lugar.
Dugang pa ni Remegio nga tumandok sang Baragay Dangula-an, Anilao, Iloilo ang nasambit nga biktima.
Mahibaluan nga wala sang anak ang biktima kag anay live-in partner sini apisar nga walo na ka tuig nga nagaupdanay.
Ginkumpirmar man sini nga halos isa na ka bulan nga bulagay ang duha kun sa diin nadesisyonan ang biktima nga magpauli na lamang sa probinsya sang Iloilo.
Dugang pa ni Remegio nga sumugod nagbulagay ang biktima kag anay kahagugma, masami makit-an nga nagapinahinubog ang nasambit nga lalaki.
Indi man matul-id sang opisyal kun ano ang nangin rason sang pagbulagay sang duha
