SAPIAN, CAPIZ- Gin-athag sang Punong Barangay sang Barangay Majanlud, Sapian, Capiz, ang mga pagsulundan sa pagpanglista sang mga pumuluyo nga naapektuhan sang mga bagyo para sa ayuda.
Sa interview sang Bombo Radyo kay Punong Barangay Gloria Lahera, sang nasambit nga barangay, iya ginpahayag nga nagasunod lang man sila sa kun ano ang ginapatuman sang Department of Social Welfare and Development kag sang lokal nga gobyerno.
Suno kay Lahera, may mga Kagawad nga in-charge sa tagsa ka mga Sitio sang ila nga barangay kag amo ang nagapang-validate kag naga-lista sa mga residente nga ginbahaan.
Pahayag niya, naggwa sa validation sang ila nga talatapan nga si Sally Vista, ang nasambit nga tagreklamo ang wala man ginbahaan sang nag-igo ang amo nga bagyo.
Ginsigurado man ni Punong Barangay Lahera nga ang mga kabataan ni Sally ang nakalista kag nahatagan man sang nagakaigo nga assistance.
Samtang, nagapasalamat si Lahera nga sa pihak sang mga bagyo nga naeksperyensyahan, wala sang kabuhi nga nadula sa iya nga mga nasakpan nga mga pumuluyo.
Interviewed by Bombo Francis Biñas
