ROXAS CITY-Hugot nga ginpanginwala sang Punong Barangay sang Barangay Linao, Panay, Capiz ang mga alegasyon nga imbolbado ini sa anomalya sa distribusyon sang Social Amelioration Program (SAP) sa nasambit nga lugar.
Suno kay Punong Barangay Tito Barnuevo nga ginkakibot sini ang ginpapanaug nga“order of suspension” sang Office of the Ombudsman.
Ginpanginwala man sini nga may yara ini sang ihibalo sang kaltasanay sang nasambit nga ayuda.
Gin-athag ni Barnuevo nga nagkasugot ang mga benepisaryo nga buhinan sang P950 ang nabaton nga ayuda agud ihatag sa iban nga wala makabaton sang nasambit nga bulig pinansyal.
Ginpanindugan man sini nga wala ini sang mando nga buhinan ang nabaton nga ayuda apang gin-ako sini nga yara siya sang tion nga nagkasugot ang mga benepisyaryo.
Nagapati si Barnuevo nga pamulitika ang sa likod sang pagpakasa sang panumbungon batuk sa iya.
Samtang handa naman si Barnuevo nga atubangon kag sabton ang panombongon nga ginpasaka batuk sa iya.
