Recto to Leviste: Indi pagbasulon ang iban, kag himuon na lang ang iya trabaho, ini matapos ginbasol ang VAT sang langis

MANILA, Philippines – Naghingyo si Executive Secretary Ralph Recto kay Batangas Rep. Leandro Legarda Leviste, nga tumanon ang iya katungdanan bilang isa ka mamalidha sa baylo nga basulon ang isyu sang Value Added Tax (VAT), sang langis.

Suno kay Recto, wala sang upang ang kongreso sa pagpasar sang kasuguan nga magasabat sa krisis sa presyo sang langis.

Kasunod ini sang alegasyon ni Leviste nga ginabalabagan sang ehekutibo ang ginaduso nga pagnubo ukon pagsuspinde sang VAT.

Ginpanindugan ni Leviste nga batok ang executive branch sa sini nga mga tikang. Pending pa sa Kamara ang mga proposals nga nagatuyo nga buhinan ukon suspendihon ang VAT sa petrolyo.