ROXAS CITY – Ang programa sang Department of Agriculture (DA) ang indi lamang sa pag panagtag sang kasapatan sa nangin apektado sang mga bagyo diri sa probinsiya.
Sa interview sang Bombo Radyo kay Dr. Leonel Abordo, Provincial Veterenarian, nga kalakip sa amu nga programa ang pag panagtag sang binhi sang palay, vegetable seeds kag mga planting materials.
Sa pagkamatuod, natigayon ini nga maumpisahan sang tuig 2019 bilang kabahin sang rehabilitation program sang DA sa mga nangin apektado sang nag-agi nga mga Bagyo sa Probinsiya.
Naga pangabay ang Department of Agriculture (DA) nga alagaan kag padamuon ang mga gin panghatag nga mga kasapatan agud makabulig ini sa ila palangabuhian.
Nahibaluan nga naghinyo si Governor Esteban Nonoy Contreras sa DA nga dugangan pa ang kaangay sini nga programa, apang indi ini mapasalig ni Abordo bangud sa karun wala pa matapos ang pag panagtag sang amu nga ayuda.
