ROXAS CITY – Gintalakay sa regular session sang Sangguniang Panlungsod ang pila ka mga reklamo sang mga drivers kag tricycle operators angut sa pagpa-renew sang prangkisa sang ila mga tricycle sa talatapan sang Tricycle Franchising and Regulatory Unit (TFRU).
Sa gin dul-ong nnga Privilege Speech ni City Councilor Jericho Celino, may nagapalab-ot sang reklamo sa iya nga may nagalutaw nga pila ka requirements nga ginapatong sa pumuluyo nga gina budlayan ang mga ini mag-comply.
Ginpaabot man ni Councilor Moreno Gonzaga ang nangin eksperyensiya sang iya kaugalingon nga utod nga isa man ka operator nga apisar kumpleto ini sa dokumento, ma isa na ka bulan nga gina pabalik-balik ini sa nasambit nga opisina.
Ginaalegar nga nagtuad diri si Edgar Andrade, TFRU-Head nga tungod kay “Gonzaga” ang apelyido sini, mabudlayan ini sa pagpa-renew sang iya prangkisa.
Ini ang isa sa mga pamangkot sang mga City Councilors nga luyag nila sabton ni Mr. Andrade kun kalakip pa ini sa ginapatuman nga rekisitos sa nasambit nga talatapan.
