Rep. Howard Guintu, nagpahayag sang mensahe sa pagsugod sang selebrasyon sang Chinese New Year

CAPIZ – Nagpahayag sang mensahe si First District Representative Howard Guintu kadungan sang pagsugod sang selebrasyon sang Chinese New Year.

Suno sa iya, ang pagsug-alaw sa year of the Fire Horse ang nagakahulugan sang tion sa pagbag-o para sa kaayuhan sang banwa.

Nagpasalamat man ini sa tanan nga nagtambong amo man sa Filipino-Chinese Community kag tanan nga organizers sa pagbukas sang matahom nga kahiwatan.

Nagpahanumdom man ang natungdan sa mga tumalambong nga mangin responsable kag mahalong agud malikawan ang ano man nga sahi sang insidente.