ROXAS CITY-Gin-aprubahan sang Sangguniang Panlungsod ang ordinansa angut sa temporaryo nga fare increase sang mga tricycle nga nagabiyahe sa syudad.
Ini ang ginkumpirmar ni City Councilor Albert Gregory Potato, Chairman sang Committee on Transporation and Public Utilities.
Suno kay Potato nga ginkasugtan sang konseho nga temporayo nga ipatuman ang P10 sa flagdown rate sa kada 1 ka kilometro kag dugang nga P5 kada succeeding kilometers sa sukot sa pletehan sang mga tricycle nga nagabiyahe sa syudad.
Ginpahayag ni Potato nga base ini sa mga suhestyon nga nabaton sang konseho sa ginpatigayon nga public consultation.
Gindugang pa sini nga madamo sang ginbasehan ang konseho sa pagpatuman sang fare increase kalakip na ang presyo sang gasolina.
Gin-athag ni Potato nga wala na gin-grant ang P20 nga fare increase nga ginahinyo sang mga tricycle drivers bangud tuman na ini kabug-at sa mga pasahero.
