ROXAS CITY-Gin-aprubahan sang Sangguniang Panlungsod ang sulat ni Roxas City Maypr Ronnie Dadivas nga naghinyo nga dulaon ang kondisyon sa kasugtanan sa tunga sang City Government kag Pueblo De panay Incorporated natuhoy sa duta nga gindonar sang nasambit nga korporasyon nga gin-usar sa pagpatindog sang Pueblo de Panay Wet market sa Pueblo De panay,Barangay Lawaan, Roxas City.
Sa interview sang Bombo Radyo sa kay City Councilor Paul Ivan Baticados ginpahayag sini nga may yara sang kasugtanan ang previous administration kag pamilya Ong nga sa tion nga indi mapatindugan sang merkado ang duta nga ila gindonar, mahimo ini nga bawion sang nasambit nga korporasyon.
Suno sa kay Baticados nga sandig sa sulat ni Davidas nga sa madasun nga tuig magatakup na ang nasambit nga kasugtanan rasun nga ginhinyo sini sa pamilya Ong nga dalayon nga dulaon ang nasambit nga kondisyon.//
Gindugang pa ni Baticados nga nagpasugot ang pamilya Ong nga dulaon ang nasambit nga kondisyon bangud maayo ang ila relasyon sa alkalde.
Bangud sini, dako ang bentaha nga magamit pa ini sa iban mga plano sang gobyerno sang siyudad.
Samtang ginkompirmar ni Baticados nga may yara sang ginaplanuhan ang alkalde para magamit ang nasambit nga merkado apang indi pa sini mapat-ud kun ano ang plano ni Dadivas.
Mahibaluan nga gindonar sang Pueblo De panay Incorporated sa city government sa tinalikdan nga administrasyon ang duta nga ginpatindugan sang Pueblo Wet Market sa Pueblo de Panay, Barangay Lawaan sining siyudad.
