ROXAS CITY -Nagapangabay ang Roxas City Traffic Management Unit sa motorista nga sundon ang rerouting scheme nga ipatuman sa masunod nga semana may kaangtanan sa pag-obserba sang All Saints Day kag All Souls Day.
Sa interview sang Bombo Radyo kay Mr. Gonzalo Andrada, Head sang Traffic Management Unit, iya ginpahayag nga ginalauman na ang pagpug-ok sang trapiko apang ini ang ma-manage sang maayo kun nagasunod sa rerouting scheme kag road signs ang mga motorista.
Apang suno kay Gonzalo, indi lang mga salakyan ang nagapagutok sang dalan bangud kun kaisa, tawo man ang may kahimoan bangud ang iban, sa tunga na sang dalan nagalakat.
Nagalaum ang natungdan nga magkooperar ang publiko agud indi magdugang ang pagpug-ok sang trapiko kag maligwa sa gihapon ang mga dalanon sa syudad.
