ROXAS CITY – Isa ang patay isa ang pilason sang mahulog sa creek ang KIA nga ginansakyan sang duha ka mga pulis na lunsay may ranggo nga PO2 sa Barangay Salocon, Panit-an.
Ginkilala ang napatay nga si Po2 Brix Castor sang Calinog, Iloilo samtang pilason kag padayon nga ginabulong sa ospital si Po2 Leo Bentasal sang Barangay Salocon, Panit-an, Capiz.
Ginapatihan nga nag-angkon sang patal nga pilas sa ulo ang napatay na si Castor samtang pilas sa lawas ang naangkon ni Bentasal.
Sa exclusive interview sang Bombo Radyo kay PO2 Francisco Balasa imbestigador sang Panit-an PNP, ginkumpirma sini nga ginbawian sang kabuhi si PO2 Castor
Nahibaluan nga nakigbahin pa ang mga biktima sa Brigada Eskwela antes ang aksidente.
Na-assigned ang duha bilang PNP Aviation Security personnel sa Roxas City airport.
Padayon sa karon ang imbestigasyon sang Panit-an PNP sa insedente.
