PANAY, CAPIZ- Napasakaan na sang kaso sa paglapas sa ukon ‘Comprehensive Dangerous Drugs Act of 2002’ ang seaman nga nadakpan sa ginpatigayon nga drug buybust operation sang mga kapulisan sa Barangay Cabugao Este, Panay, Capiz.
Ang nasambit nga arestado amo si alyas ‘Budot’, 41-anyos kag residente sang nasambit nga lugar.
Sa interview sang Bombo Radyo kay Police Captain Ronald Ton-ogan, Hepe sang Panay Municipal Police Station, iya ginpahayag nga madugay na nila ginamonitor ang nasambit nga subject person kag natigayon nga nadakpan pamaagi sa isa ka pulis nga nagpakuno-kuno poseur-buyer.
Madumduman nga narekober sa posesyon sini ang kapin apat (4) ka gramos sang ginapatihan shabu nga may street value nga P27,200.
Sa karon, nagapabilin ini sa kustodiya sang Panay Municipal Police Station para sa nagakaigo nga disposisyon.
Interviewed by Bombo Francis Biñas
