Ginpahayag ni Senate President Francis “Chiz” Escudero nga indi na siya makibot pa kun nakaguha na sang Pilipinas si suspended Bamban Mayor Alice Guo.
Una na nga ginpahayag ni Senator Sherwin Gatchalian ang posibilidad nga posible nga gingamit sang suspendido nga alkalde ang iya Chinese passport para makaguha sang Pilipinas.
Nagapati ang Senador nga nagapabilin nga active ang Chinese passport ni Guo nga ginagamit sini.
Matandaan nga ginkumpirmar sang National Bureau of Investigation nga ang fingerprint ni suspended Mayor Guo ang nagtugma sa fingerprint sang Chinese passport holder nga si Guo Hua Ping nga nagapakita nga ini sila ang iisa lang.
Samtang, suno kay Escudero nga ang gin-isyu nga arrest order sang Senado batuk kay Guo ang indi para presuhon, suno diri, ini ang kaangay sa nahimo nga krimen kundi para siguruhon ang pagtambong sini sa mga hearing kag sabtan ang mga palamangkutanon nga ginahaboy sa iya.
Ginhimo sang liderato sang Senado ang amo nga pahayag matapos wala magtambong si Guo sa mga hearing sang Senate panel nga ginapangunahan ni Senator Risa Hontiveros nga nakatutok sa pag-imbestiga sa suspendido nga alkalde bangud sa pagkadalahig sini sa gin-raid nga POGO hub sa Bamban nga nadiskubre nga kalakip man sa ilegal nga aktibidad.
