ROXAS CITY – Kinahanglan nga aksyunan sang Senado ang impeachment complaint ni VP Sara Duterte matapos nga ma-endorso ini sa ila nga lebel.
Sa interview sang Bombo Radyo kay Iloilo 3rd District Congressman Lawrenz Defensor nga nagaserbi man nga isa sa mga Prosecutor sa impeachment case ni Duterte, yara sa konstitusyon nga dapat sa madali nga panahon ini ang magasugod sa gilayon sa tion nga ila mabaton ang mga dokumento kag wala sang kondisyon nga nakasaad diri .
Ginarespeto naman nila ang senado bilang impeachment court kun ano ang ila mangin desisyon kag kun paano nila ini trataron.
Nagapati man sila sa kongreso nga may epekto sa dalagan sang trial kun matapos na ang eleksyon bag-o ini aksyunan, apang ang importante nga madayon ini sa senado.
Pagtadlong ni Defensor nga wala sang lakot pamulitika ang ila nga pagpahalin sa bise Presidente kag ini tanan ang may yara sang basehan kag mabakod ang ebidensiya.
Nagapati ini nga kinahanglan maaksyunan ang impeachment complaint batuk kay VP Sara Duterte kag kun wala man ini sang sala dapat ini nga ma-acquit kun may yara naman dapat nga mapahalin ini sa pwesto bilang bise Presidente.
