Liwat nga naeliher si Senador Francis “Chiz” Escudero bilang Senate President matapos makakuha sang 19 boto, batok sa 5 boto para kay Senador Vicente “Tito” Sotto III.
Natabo ang botohay sa pagbukas sang una nga regular nga sesyon sang 20th Congress subong nga Lunes, Hulyo 28, 2025.
Base sa patakaran ng Senado, ang napierde nga kandidato sa eleksyon para sa Senate President ang otomatiko nga mangin minority leader.
Makaupod sini ang mga senador nga nagboto sa iya bilang bag-o nga minorya.
Samtang, ang mga nagboto kay Escudero ang bag-o nga mayorya.
Ang eleksyon ginhiwat bag-o pa man ang State of the Nation Address (SONA) ni Presidente Ferdinand Marcos Jr.
Sa pihak nga bahin, nagapabilin bilang House Speaker si Leyte 1st District Rep. Ferdinand Martin Romualdez matapos makakuha sang 269 ka boto gikan sa ginpatigayon nga boto sa una nga regular session sang 20th Congress kahapon nga adlaw, Hulyo 28.
Sa iya nga speech, gin-engganyo ni Romualdez ang Kamara nga liwat nga iduso ang mga hagna nga makabulig sa pag-uswag sang pungsod subong man ang bug-os nga suporta sa mga tinutuyo kag proyekto ni Presidente Ferdinand Marcos Jr ilabi na sa pagpabaskog sang nagkalain-lain nga sektor.
