Nag-apelar si Senadora Imee Marcos sa utod sini nga si President Bongbong Marcos nga tun-an ang 2025 national budget antes ini permahan sa katapusan sang tuig.
Nagapamatok ang mamalidha sa pagbalik sang national budget sa kontrobersyal nga Ayuda sa Kapos ang Kita Program (AKAP) samtang ang iban nga mga mas importante nga proyekto ang ginbuhinan ukon ginkakasan sang pondo sa 2025.
Pahanumdom ni Senator Marcos sa presidente nga ginpahayag sini sa iya nakaligad nga State of the Nation Address ukon SONA nga unahon sa budget ang mga importante nga proyekto sa pungsod.
Indi suno diri lipod sa ihibalo sang presidente nga ginalapas na ini sang mga tawo nga pagpati makapaayo para sa iya kag sa pungsod kag wala natalupangdan nga ginapamatukan na ang tanan nga mga priority project sini.
Kalakip diri ang pagbuhin sa pondo sang Department of Agriculture, Department of Science and Technology, 4Ps sa idalom sang Department of Social Welfare and Development, flood control sang Department of Public Works and Highways, kag paghatag sang zero subsidy sa PhilHealth.
