Nagapati si Department of the Interior and Local Government Secretary Jonvic Remulla nga yara sa Davao si Senator Ronald “Bato” dela Rosa kasunod sang reports sang ginaalegar arrest warrant batuk sa iya nagikan sa International Criminal Court.
Suno kay Remulla, indi man makahulag ang DILG bangud wala ini nakabaton sang formal copy sang ginapahayag “order” halin sa ICC.
“Ang alam ko, kasi magkapitbahay kami dito sa Cavite, pero hindi na siya nauwi dito. Alam ko nasa Davao kasama ang kaniyang pamilya,” pahayag sini.
“Wala kaming magagawang aksyon dyan hanggang may actual warrant of arrest. Wala pa naman. Wala pa akong nakikita. Haka-haka lang,” dugang pa sini.
Tubtob subong, wala sa gihapon makapakita sa publiko si Dela Rosa apisar sa mga Senate hearings kag sessions matapos nga ginpahayag ni Ombudsman Jesus Crispin Remulla nga may yara sang i-issue nga warrant ang ICC batuk sa nasambit nga senador.
Nahibaluan nga si dela Rosa ang sadto anay nagserbe bilang chief sang Philippine National Police kadungan sang implementasyon sang drug war sa idalom sang Duterte administration.
