ROXAS CITY-Nagpabalhag sang reklamo sa Roxas City Police Station ang 25-anyos nga Senior Associate matapos nga ginaalegar nagpanunto ang isa nila ka empleyado sa isa ka dako nga mall sa siyudad sang Roxas.
Base sa ginpabalhag nga reklamo sang tagreklamo nga si Mary Jane Gener 25-anyos sang Barangay Salong, Tapaz Capiz ginaalegar sini nga sang tinalikdan nga Disyembre 10 kag Disyembre 25, 2019 may ginkuha nga items si Pamela Mae Abool 30-anyos sang Rizal Street, Barangay VII sining siyudad nga nagabalor sang kabug-osan nga P28 ,647.
Magluwas diri, may mga nabaton naman nga reklamo si Gener gikan sa ila mga kliyente nga nag-issue sang peke nga resibo si Abool.
Bangud sini, ginpakamaayo na lamang ni Gener nga ipabalhag sa Roxas City Police Station ang natabo.
