Senior citizen, missing matapos gin-anod sang tubig baha sa Brgy. Guba banwa sang Pontevedra

ROXAS CITY – Padayon nga missing ang isa ka senior citizen matapos naanod sang tubig-baha sa Barangay Guba, Pontevedra, Capiz.

Ginkilala ang biktima kay Richard Villasis, 65-anyos kag residente sang nasambit nga barangay.

Sandig sa impormasyon nagikan sa Pontevedra MDRRMO, nga manindahan kuntani ang nasambit nga biktima sang ini ang naglusong sa tubig-baha kag ginapahayag nga nadanlog rason nga nadala kag gin-anod ini sang mabaskog nga current sang tubig.

Sa karun, padayon pa ang search and rescue sang mga awtoridad sa nasambit nga senior citizen.