ROXAS CITY – Wala na sang kabuhi ang isa ka senior citizen, matapos makit-an sang isa ka BPAT sa higad sang dalan sa Barangay X, Roxas City.
Ginkilala ang biktima nga si Reynaldo Hibaler, 60-anyos kag residente sang nasambit nga lugar.
Sa impormasyon nga nakuha sang Bombo Radyo nagikan sa Roxas City PNP, ginapahayag nga suno kay Romeo Cañelaso, 60-anyos nakakita sa bangkay nga samtang siya ang nagalakat nakit-an sini ang biktima nga nagahigda sa higad sang foot walk kag wala na sang kabuhi.
Mahibaluan nga ang nasambit nga biktima wala sang puluy-an kag madugay na nga separado sa iya pamilya.
Dugang pa sini nga base sa ila pagpangusisa kay Cicelia Hibaler, 56-anyos kag residente sang Barangay Lawaan sining syudad kag utod sang biktima nagapati sila nga wala sang foul play sa kamatayon sang ila utod.
Sa karun, yara na ang bangkay sang biktima sa isa ka punerarya kag natalana nga ipaidalum sa post mortem examination.
