Ginatutukan na sa karon ang serye sang kinawatay sa barangay Barra, Roxas City.
Sa interview sang Bombo Radyo kay Hon. Ernie Lorenzo, Punong Barangay sang Barangay Barra, ginpahayag nga ginahimo na nila ang pila ka mga tikang angut sa nagadamo nga mga kaso sang kinawatay sa ila nga lugar.
Pahayag pa sang Punong Barangay nga may yara sang unrecorded nga kaso sang pagpangawat sa ila lugar kag dugang pa nga kaso nga ginapatihan residente lamang sang Barangay Barra ang may kahimuan.
Gani ginapakamaayo sang ila talatapan nga magdugang sang outpost sa iban pa nga bahin sang ila barangay agud mas mamonitor sang mga tanod ang palibot kag malikawan ang iban pa nga kaso sang kinawatay.
Dugang pa nga ginpahayag ni Lorenzo nga nagpangayo naman ini sang bulig sa alkalde sang syudad agud nga mapakay-o kag mabutangan sang cctv ang ila nga barangay.
Panugyan naman sang Punong Barangay nga indi na maghimo sang indi maayo sa sulod sang ila nga barangay kag hugot nga ginapahanumdom sini sa mga pumuluyo nga mangin alerto sa tanan nga oras.
