ROXAS CITY, CAPIZ – Nagpahanumdom ang Simbahan Katolika sa importansya sang All Saints’ Day kag All Souls Day.
Sa interview sang Bombo Radyo kay Reverend Father Jose Arturo Emilio Arbatin, Spokesperson sang Archdiocese of Capiz, iya ginpahayag nga ang ini nga tion amo pagbinag-binag kag pagdumdom sang mga nagtaliwan na.
Suno kay Reverend Father Arbatin, ang komemorasyon sang All Saints Day subong nga adlaw amo ang paghanduraw sang mga Santos nga na-canonized sang Simbahan bangud ini ang magapangamuyo sa katawhan sa atubang sang Ginoo sa tion nga kita ang magtaliwan man.
Samtang, ang pagsaulog sang All Souls Day sa Nobyembre 2, amo naman ang pagdumdom sang mga nagtaliwan nga mga himata kun sa diin mahimo halaran sang kandila,pagpangamuyo, pag-ubra sang maayong buhat kag gamay nga pag-ayuno ukon pagsakripisyo.
Pahayag pa niya, ang simbahan ang wala naga-promote sang pagpatigayon sang Halloween party ukon pagsuksok sang mga mahakaladluk nga bayo bangud ini ang naga-attract sang mga malain nga espiritu .
Nagpanawagan man ang natungdan sa mga kabataan nga magahatag gid sang oras sa pagpangamuyo para sa mga minatay agud nga maghatag sang iwag sa dalan pakadto sa pahuway nga dayon.
Interviewed by: Bombo Francis Biñas via Zona Libre
