Sofronio Vazquez III, excited na sa pagkanta sang Lupang Hinirang sa SONA

Indi matago sang Voice USA champion nga si Sofronio Vazquez III ang iya kalipay matapos napilian nga magkanta sang “Lupang Hinirang” sa ika-apat nga State of the Nation Address (SONA) ni Presidente Ferdinand Marcos Jr. sang Hulyo 28.

Isa ka kadungganan suno sa iya nga mapilian siya nga magkanta sang national anthem sa tion sang SONA.

Humalin sang una nga ginpahibalo, gilayon niya ini nga ginbaton bangud isa ka daku nga kadungganan ang maka-perform sa atubang sang minilyon ka tawo sa pungsod.

Dugang pa sini, nga ang “Lupang Hinirang” ang magahugpong sa mga Pilipino ano man ang ila kinalain sa pagpati.