ROXAS CITY – May pila ka mga kongresista sa House of Representatives ang nagaplano nga iduso ang pagpaiway sang 2019 midterm elections.
Ini ang ginkompirmar ni Capiz 1st District Representative Emmanuel ‘Tawi’ Billones, Sr. sang mainterview sang Bombo Radyo.
Suno kay Billones, may mga grupo sang kongresista nga desidido sa pagpaiway sang nasambit nga piniliay ilabi na ang makabig nga 3rd termer ukon yara na sa katapusan nila nga termino.
Pila sa rason suno kay Billones sang mga kongresista sa nasambit nga plano amo ang ginapatihan pagbaylo sa federalismo sang porma sang pangginobyerno sa Pilipinas
Apang mas maayo suno kay Billones nga hulaton na lamang ang mangin kaundan sang State of the Nationa Address (SONA) ni Presidente Rodrigo Duterte sa Hulyo 23 sa diin posible ipahayag sang presidente kun madayon ukon indi ang plano nga transisyon sang porma sang pangginobyerno sa pungsod.
