Padayon ang pagpatigayon sang Commission on Election (Comelec) sang special registration para sa mga Person with Dissability kag Senior Citizen nga mga indibidwal.
Sa interview sang Bombo Radyo kay Provincial Election Supervisor, Atty. Wil Arceño, ginpahayag sini nga ginahatagan prayoridad ang mga PWD kag mga katigulangan nga maka-parehistro, antes sang status ukon update sang registration sa komisyon.
Suno kay Arceño, nga base sa ila nga datos yara sa masobra 106,000 nga mga Person with Dissability kag Senior Citizen ang yara sa bilog nga probinsya sang Capiz.
Ginpahayag man sini nga target nila nga padulungan ang tanan nga banwa kag nagapakig-angut man sa mga presidente sang nasambit nga grupo.
Mahibaluan nga sa sulod sang tatlo ka bulan nakarehistro na ang ahensya sang masobra 6,000 nga botante kag nagalaum nga madugangan pa ini.
