-- ADVERTISEMENT --
ROXAS CITY – Ginpasakaan na sang patung-patong nga kaso ang stepfather nga suspek sa pagpanghimulos sa 17 anyos nga dalagita sa isa ka banwa sa probinsiya sang Capiz.
Kaso nga 5 counts of Rape kag paglapas sa Republic Act 7610 ukon Anti Child-Abuse Law ang ginpasaka batuk sa suspek nga si alyas Rene.
Mahibaluan nga ginhimo nga sex slave sang suspek ang biktima sa sulod sang tatlo ka tuig kun sa diin una nga ginhimuslan si Alyas Nene sadtong Setyembre 1, 2016 tubtob bulan sang Pebrero sini nga tuig.
Wala naglaum ang biktima nga sarang siya mahimuslan sang stepfather nga ginkabig sini nga ikaduha nga amay.
Sa karon yara na sa kostodiya sang iya mga himata ang biktima, matapos nagbiya sa ila nga balay.
-- ADVERTISEMENT --
FEATURED IMAGE FROM WEB
