Ginaplano sang Department of Agriculture (DA) nga ilunsyar ang ginatawag nga sulit rice kag nutri rice nga igabaligya sa barato nga presyo sa 2025 bilang New Year offering sa mga Pilipino.
Ginpaathag ni Agriculture Assistant Secretary Genevieve Guevarra nga ang nutri rice amu ang color brown nga bugas nga igabaligya sa presyo nga P38 kada kilo samtang ang sulit rice naman amu ang puti apang tuman ka pino nga igabaligya naman sa presyo nga P36 kada kilo.
Ang mga bag-o nga varieties sang bugas ang dugang suno diri sa P40 kada kilo nga local kag imported well-milled rice nga ginabaligya sa Kadiwa stores.
Samtang, ginaplano man sang DA nga magbukas pa sang dugang nga Kadiwa kiosk sa dalagkuan nga public markets sa bug-os nga kalibutan subong man sa Metro Rail Transit kag Light Rail Transit stations.
