PANITAN, CAPIZ- Nagapadayon pa sa karon ang imbestigasyon sang mga katapo sang bombero sa nagluntad nga sunog sa Sitio Lip-ak, Barangay Agbabajang, Panitan, Capiz.
Ang amo nga puluy-an ang ginapanag-iyahan ni Leonard Palsario, 70-anyos kag residente sang amo nga lugar.
Sa interview sang Bombo Radyo kay Fire Office 1 Jolyn Salgado, Imbestigador sang Bureau of Fire Protection (BFP)-Panitan, ginpahayag nga nakabaton sang tawag ang ila nga talatapan nagikan sa Municipal Disaster Risk Reduction and Management Office (MDRRMO) sa diin ginsiling sini nga may nagluntad nga sunog sa amo nga baranagay.
Gilayon naman nila nga ginrespondehan, apang sang pag-abot nila sa amo nga lugar, ga-amat-amat na palaong ang nasambit nga sunog.
Dugang pa sini, sandig sa ila nga pagpangusisa, ginsiling nga wala sang tawo ang amo nga puluy-an sang natabo ang sunog
Nahibaluan nga human sa light materials ang nasambit nga puluy-an.
Samtang, nagdangat naman sa ginabulubanta P10,000 ang nangin kahalitan sang nasambit nga sunog.
With a report from Bombo Jessa Mae De Los Santos
