Suplay sang relief goods para sa mga pamilya nga nahalitan sang bagyong Enteng, bastante – DSWD

May bastante nga suplay sang mga relief goods para sa mga pamilya nga nahalitan sang bagyong Enteng suno sa Department of Social Welfare and Development (DSWD).

Sandig sa ahensiya, masobra 1.074 milyon nga family food packs ang naka-stock sa ila hubs sa Pasay city kag Cebu city, kasubong man sa field offices sini.

Maluwas diri, nakahanda man nga ipanagtag ang yara sa P1.029 bilyon nga balor sang pagkaon kag non-food items para sa mga nahalitan nga lugar.

Napadalhan na sang relief goods ang mga apektado nga residente sa Camarines Sur, Albay, Northen Samar samtang nakahanda na man nga ipanagtag ang kinahon nga family food packs sa mga residente sa mga lugar nga nahalitan sa Metro Manila.